傳做人二奶？ 樂基兒：呢個人長期喺IG鬧我

morris_2007

樂基兒（Gaile）同黎明分開後，同現任男友Ian蜜運約兩年，早前仲有傳樂基兒已經答應男友求婚，佢接受訪問時仲話：「有陣時會同居。」兩人似乎已經準備好更進一步！

不過呢日突然有傳樂基兒喺新加坡秘婚，現任男友仲為Gaile拋髮妻，直指Gaile係二奶！

事原係Gaile喺Instagram度晒咗張着白色泳衣嘅相，但就有個網民，以簡體字不斷留言，話Gaile「婚後」搬咗去美國，仲話佢去咗新加坡結婚，又不時話Gaile醜，叫佢滾出中國、滾出香港」！

樂基兒接受傳媒訪問，就話自己起碼十年冇去新加坡，而呢個人長期喺IG鬧佢，但有時又表現得好鍾意自己：「如果Block咗佢，佢又會另開新帳戶再鬧，其實我都唔知佢係男定女。」而Gaile經理人回應查詢時就亦都話單嘢唔係真。

新浪香港