在囚岑敖暉曾懷疑被用完即棄 唔知為乜而坐監

morris_2007

因參與去年民主派35+初選、涉違反《港區國安法》嘅荃灣前區議員岑敖暉，5月再因去年6.4非法集結案而被判囚6個月，現正喺監獄服刑。佢嘅Facebook專頁今(12日)公開咗佢上周所寫嘅獄中信。佢透露坐咗4個月監，少不免有氣餒的時候，甚至有諗過其實自己係唔係「做咗Condom」，即係畀民主派同路人用完即棄啊！

岑形容身處嘅監獄雖處於鬧市之中，卻似一個「黑洞」，所有訊息、事件、感受等，一係隔兩星期先可以傳入嚟，一係就要簡化為30秒嘅「簡報」。佢話坐咗4個月監，少不免有氣餒嘅時候，會反問「唔知自己為緊乜困喺度」，甚至有思考其實自己係唔係「做咗Condom」。佢諗到連佢呢個有名有姓嘅政治人物都會萌生出呢咁嘅念頭，可想而知其他正被還押，唔出名嘅示威者又有咩感受喎。

佢又話依家已經諗得比較清楚，監也許係為自己而坐嘅，所以唔使將自己美化或想像為有乜嘢特別原因而坐，亦都唔係為其他人而坐，都只是自我嘅抉擇，能唔能夠活得心安理得啫！

東網