鄭爽被債主狂追還錢 被揭出事前日薪癲價200萬！

morris_2007

內地女星鄭爽年前因代孕棄養及逃稅等風波而被全面封殺，冇工開嘅佢疑出走海外飛到美國，但同時被相關劇集投資方先後追討賠償。當中鄭爽仍有1,572萬餘元人民幣（下同，約1,745萬港元）被執行金額未履行，涉及佢同佟大為主演嘅電視劇《絕密者》出品公司霍爾果斯尚暉影視文化傳媒有限公司服務合約糾紛案件。風波事隔3年，鄭爽去年因另一劇集被上海市松江區人民法院強制執行9,050萬元人民幣（約9,933萬港元），不過因為逾期未執行判決成為「老賴」、被限制高消費。

今日（2日）自稱係《絕密者》投資者嘅張帆忽然爆料，聲稱鄭爽當年拍攝《絕密者》時，其日薪就接近200萬（約222萬港元）！一旦因為片方原因需要延長工作時間，一個工作日就需要支付給鄭爽220萬元（含稅，約244萬港元）。佢早前更為搵到鄭爽，去到美國二十日，前後去咗科羅拉多州、佛羅裡達州、加州和紐約，仲聲稱透過各種管道見到鄭爽向丹佛法院提供嘅境內外資產明細報表：「其中有單一項就超過3,180萬美元（折合約2.4億港元）」質疑佢有錢都唔還。

東網