「絕世好妻」三為唐英年擋箭

morris_2007

今日是三‧八婦女節，特首候選人唐英年選擇在這個向所有婦女致敬的節日前、第三度擺老婆上枱為自己遮醜。曾講過「做男人要有膊頭」的唐英年，日前默認有私生子後一直拒絕交代詳情，反於昨早派遣太太、即私生子醜聞的最大受害者郭妤淺上電台為自己「擋箭」。唐太再度將丈夫的婚外情「攬上身」，歸咎自己疏忽及沒時間照顧丈夫，力撐唐是「九十分老公」。立法會議員葉劉淑儀批評唐在婦女節前夕「搵老婆孭鑊」，「係我就好難容忍喇」。男女關係專家的白韻琹質疑唐太想做「香港第一夫人」，才拒與唐離婚。

唐英年為求當選，先後就其「感情缺失」及僭建醜聞「擺老婆上枱」、被嘲「冇膊頭、冇腰骨」。《東方日報》及《太陽報》昨日刊登疑似唐英年私生女的照片後，唐立即重施故技，昨早派出其競選公關陪同唐太到電台接受專訪及聽眾質詢，力撐丈夫。

唐太在訪問中沒有回應照片中的少女是否唐英年的私生女，僅說︰「佢（唐英年）尋日好似有交代呢件事，唔會再講，會影響到細路哥。」至於丈夫現有否聯絡私生子女，她說「呢個我唔知」，又指自己對此「冇咩感覺」，認為丈夫表示對以前行為終生後悔，已是很大懲罰。

已原諒：浪子回頭好緊要

主持人不斷追問唐英年何時開始出現感情缺失、婚外情次數等尖銳問題，唐太均無確實回應，僅稱「最偉大嘅愛就係原諒，原諒咗佢就放低向前望，盡量唔好睇番有幾多次」，強調「浪子回頭好緊要」。

她承認婚姻出現問題時確有不開心，但並非發脾氣，而是在想「我係咪疏忽咗佢呢？係咪冇時間陪佢呢？我自己有冇唔好嘅地方呢？」再次把責任全部歸咎自己。

郭妤淺最後再力撐唐英年是「九十九分嘅爸爸、九十分嘅老公，今時今日由頭嚟過，我都會嫁畀唐英年」，「我係好甘心今世做唐太」，從沒有想過與丈夫離婚。問她堅拒離婚是否想做特首夫人，她稱︰「我唔會因為一個title（銜頭）做特別嘅嘢。我好愛香港市民，希望市民珍惜唐英年。」

受質疑好想做特首太太

葉劉淑儀讚揚唐太「好英勇」，批評唐英年再三「搵老婆孭鑊」，令人感到他欠缺承擔：「男人應該保護女人，走喺女人前面擋箭，佢依家就掉番轉，佢太太好忍得，係我就好難容忍佢喇！」

白韻琹則分析，「牛唔飲水唔撳得牛頭低」，質疑唐太「可能好想做得成特首夫人，佢離婚都分到一半身家啦。」她批評唐英年涉僭建、婚外情及私生子等醜聞，如成為特首，市民一定反感：「以歐美同香港人嘅水準，都唔可以做特首啦，處理自己啲嘢都處理唔好，點處理香港政府嘅嘢？

「對改變唐生形象冇幫助」

藝人「肥媽」瑪利亞認為，唐太隻身接受電台專訪，予人硬朗和堅強的感覺，可能會有不少女性同情她，但不代表可改善其丈夫的形象：「站喺女性角度，可能會仲憎唐生多啲添！一個女人接受訪問，其實好辛苦、好慘o架。我覺得對改變唐生形象冇乜幫助囉。」

http://orientaldaily.on.cc/cnt/news/20120308/00176_005.html

可能唐太想參選{:soembrass:}

Hespiete

支持唐太做特首