區議員要求剪木棉果實

morris_2007

稱棉絮損居民健康
【明報專訊】正當木棉紅花盛放之際，粉嶺祥華邨逾30棵木棉樹將會「大禍臨頭」，事關當區區議員葉曜丞接到投訴，話棉絮會誘發呼吸道毛病同鼻敏感，佢要求管理公司剪晒木棉果實。

網友發起「救救木棉」行動此舉引起「辣手摧花」嘅批評，仲有網友發起「救救木棉」行動，但葉議員依然「企硬」，話唔會因此忽視居民權益同健康咁話。

葉曜丞噚日同Emily 講，工程人員唔會打落枝椏上嘅木棉花，只會趁果實爆開前剪去果實，避免棉絮飛入屋，整污糟居民衣衫，或影響坐喺公園嘅老人家。佢話，若唔搞掂棉絮嘅問題，出街會畀居民捉住嚟鬧，所以提早同管理公司傾。佢仲話，從無當處理投訴係爭取支持嘅政治工具，「我上年都無貼出來話成功爭取剪樹啦」。

區議員﹕唔搞掂棉絮會捱罵其實，木棉樹被「蹂躪」嘅爭議時有發生，上年康文署承辦商「摘果」變「摘花」，被狂轟干擾自然環境，康文署最後警告承辦商並暫停有關工作。

http://www2.news.sina.com.hk/news/2/1/1/2634052/1.html

有人鼻敏感就要剪晒木棉果實{:terrible:}

孤寂如雲

我終於明白我屋企成日掃到的紅色棉花碎物體係乜