男人怕怕！10種注定嫁不出的女人

morris_2007

年過三十又未嫁得出既女人越來越多，點解香港女人會「滯銷」？身為單身港女，絕對有必要了解市況，以下10種女人男人最怕，如果你或身邊朋友屬於呢幾類，就一定要小心了！

• 靚過頭的女人：無男人想「戴綠帽」，太靚的女人「啱睇唔啱食」，做花瓶係唔錯，但身邊總會惹來一大堆狂蜂浪蝶，所以都係娶個普通女人安樂啲。
• 太有學問的女人：女人太聰明，男人風頭全部被搶，做男人仲有咩意思？女人就算幾醒，都要扮下蠢扮下傻，俾身邊的男人威返下。
• 事業太成功的女人：做「成功女人背後的小男人」並唔風光，面對工作太強的女人，男人變得渺小，絕對會很「無癮」。所以女人幾叻都好，適當時候都要識得表現女性的溫柔，做個可愛的女強人
• 惡形惡相的女人：這種高高在上、自以為是的女人，往往權力欲、操縱欲比較強，事無大小都管到實，要日日對住隻黑口黑面的「老虎乸」，邊個男人會頂得順？
• 太神經質的女人：男人最怕女人「一哭二鬧三上吊」，隨便因為一個女性朋友的Facebook留言或sms都嘈到拆天的女人，留在身邊只會家嘈屋閉，不得安寧。
• 太敗家的女人：香港地有金山銀礦的人並唔多，無男人想被女人搞到傾家蕩產，落得人財兩空，除非你本身好有米，否則「洗腳唔抹腳」的習性係時候改改。
• 太男人婆的女人：雖則現今社會男女平等，不過絕對無男人鐘意女人粗口爛舌、粗粗魯魯，適當時候都要展現下女人味，著下裙、化下妝扮下靚，男人帶出街都有Face啲。
• 有公主病的女人：這種「港女」要求多多、尖酸乞薄、洗人唔洗本，平日返工服侍老細都未夠，返屋企仲要伺候习蠻公主，被人當咕喱、阿四咁舞黎舞去，真係唔癲就假！
• 有不良嗜好的女人：電視劇都睇唔少，女人爛賭爛飲有雀癮煙癮起上黎，比男人更恐怖，就算唔惹來周身債都一定麻煩多多，更加唔荒會照顧屋企，真係娶左都喊三聲。
• 太過依賴的女人：嗲聲嗲氣乜都要人幫的女人，男人初初可能會好受落，但耐左就唔多耐煩，因為娶左都唔洗止意會做家頭細務煮飯洗衫，仲要照顧返佢轉頭，真係寧願單身，起馬有阿媽幫手執頭執尾。
  
  http://www.cosmopolitan.com.hk/love-sex/you-him/cant-marry-10-types-girls
  
  第1種通常同第6/8種同時出現{:heyhey:}
  

Monkeyking0813

BINGO